Gravferdsbyrået

Vi er ditt lokale byrå i Fusa og Samnanger, men har også seremonier i Bergen, Kvam, Voss, Granvin og omegn.

Planlegg ei gravferd

Det kan kjennast vanskeleg å tenkje på praktiske spørsmål når ein nettopp har mista ein nær. Ta deg likevel tid til å reflektere over korleis du vil minnast den avdøde og korleis seremonien kan sjå ut. Å skapa ein vakker og personleg avskjed treng ikkje vera dyrt eller komplisert. Vi hjelper til med inspirasjon og idear til kva som er mogleg, basert på dine ønskjer. Det finst fleire måtar å planleggje ei seremoni på.

Korleis kan ei gravferd ordnast av eit gravferdsbyrå

Seremonien finn vanlegvis stad innan innan 10 verkedagar etter dødsfallet. Sjølve bisetjinga vert halden i kyrkja, i gravlundskapellet, krematoriets kapell eller i andre eigna lokale. Fusa og Samnanger Gravferdsbyrå hjelper til med å velje tidspunkt og stad og sørgjer for at alle som skal medverke, vert informerte.

Praktisk informasjon ved gravferda – Open eller lukka bisetjing?

Dette spørsmålet kan vera vanskeleg å ta stilling til for mange pårørande. Det kan vere fleire grunnar til at ein vel ei lukka bisetjing. Likevel viser erfaringar at det som i augneblinken verkar rett, på sikt kan bli ei belastning dersom nokon som burde ha vore til stades, ikkje fekk høve til det. Erfaringar viser òg at signala ein sender ved å velje ei lukka seremoni, ofte skapar usikkerheit: Skal ein ta kontakt eller ikkje? Dei fleste ønskjer ikkje å vere påtrengjande. Lytt til dykk sjølve og ta dei vala som kjennest rette.

Annonsering eller gravferd i stillheit

Nokre ønskjer at gravferda skal skje i stillheit, med berre dei næraste til stades. Dette kan sjølvsagt vere rett i mange tilfelle. Likevel tilrår dei fleste med innsikt i sorgarbeid at gravferda vert annonsert på førehand og er open for alle. Erfaringar viser at deltaking frå personar utanfor den næraste krinsen hjelper dei etterlatne med å bearbeide sorga. Andre kan òg ha behov for å vise deltaking og syne den avdøde den siste æra.